相信好多玩家都期等緊 PS5 相關消息，而每次有重大消息準備公佈，網上面就會出現好多各樣疑幻似真嘅流言。

今日日本網路盛傳「PS5 Standard 及 PS5 Premium 將於 2020 年 12 月 4 日上架」嘅消息，消息並唔係黎自官方，而係黎自一個叫做「Gamers Gate」嘅網誌。

網誌內容截圖・Cap 圖無仇報

呢篇網誌嘅版面模仿 PlayStation Blog 嘅風格，入面仲有講埋 PS5 以及 PS5 Pro 嘅價錢資料，仲有講埋幾時開始預購！真係講到似層層；而由於網誌入面講嘅價錢（PS5 Standard 定價為 69,800円（未連税），約 HKD 4,972；而相當於「Pro」機嘅 PS5 Premium，就盛惠 109,800円（未連税），約 HKD 7,822），價位極高，亦到令唔少網友嚇左一跳。

11萬yen真係好痴線

SIE 於稍後時份，已經經由各大新聞媒體澄清，呢篇網誌嘅內容純屬虛構（新聞傳送頁）。

不過，相信今次嘅事件都反映左玩家對於 PS5 嘅期待同埋好奇，雖然已知 PS5 將會於 2020 年尾發售，不過價錢係點，同埋同綑會跟邊啲遊戲，相信都係我地非常關注嘅部份。希望 SIE 都可以快啲有正式官方報導，等玩家有時間預備銀彈都好吖！