相信有留意開遊戲界各種恩怨（？）嘅朋友，都會記得任天堂同埋手遊《白貓》之間嘅侵權風波。不過，喺呢件事爆出之後不久，適逢《白貓》踏入四周年，於是官方喺  2018 年時公佈，將會推出家用機作品，目前暫名為《Shironeko New Project》，原本，預計 2020 年會登錄 Switch。

然而天氣不似預期，打機都一樣，遊戲公佈以來，一直無任何新消息，由眾人期待，變成慢慢被眾人遺忘。

五周年都過左了

然後，黎到 2019 年年尾嘅今日，《白貓》所屬公司 COLOPL Inc. 就於網上宣佈，由於玩家對遊戲投以高度期待，而工作室唔想令玩家失望，不過要為大家帶黎一隻滿足度高嘅新《白貓》實在非常有挑戰性，所以發售日將會由 2020 年，無限期延期。

開発中のNintendo Switch™用ソフト『Shironeko New Project』につきまして、企画見直しを行うこととなりましたことをお知らせいたします。新たな発売予定時期につきましては、現時点で未定となります。楽しみにして頂いていたところ、誠に申し訳ございません。//t.co/sQtFBGRU21

— 【公式】白猫プロジェクト (@wcat_project) December 12, 2019

換句話講，暫時都答你唔到幾時會出到，亦都唔知目前開發狀況係點樣。到底真係因為技術上問題所以延期，定還是雙方合作上面出左分歧，我地就不得而之了。到底大家有無機會玩到呢隻遊戲呢？有新消息我地會再同大家報導。