中國近日有隻網頁遊戲被瘋傳，本來一隻遊戲爆起嘅原因係因為好玩、劇本出色等原因當然值得高興嘅，但如果爆起嘅原因係因為鼓吹「殺香港人」，你又點睇呢？呢隻《全民打漢奸》就係打住呢個旗號，鼓勵民眾敵視港人！

呢隻《全民打漢奸》係低技術網頁遊戲，要求玩家擊殺八位亂港「漢奸」，分別都係影射支持反送中運動，以及民主派人士。而呢八位榮登「漢奸」之位嘅有民陣召集人岑子杰、香港眾志秘書長黃之鋒、壹傳媒創辦人黎智英、民主黨創黨主席李柱銘、民主黨前主席何俊仁、學聯前秘書長羅冠聰、香港政府前政務司司長陳方安生，然後第八個係九唔搭八嘅「秦檜」。

佢地覺得係呢班人領導緊場運動……

遊戲內容異常智障，求其揀樣武器打死目標「漢奸」就得，然後仲會有特別動畫去「終結」該目標，成隻「遊戲」都充斥敵視港人嘅味道。雖然品味低俗，但此「遊戲」得到中國多家主流媒體報導外，微博亦都掀起一片熱潮，好似無玩過呢隻野就唔夠「潮」。

畫面簡陋，但意識上都係要處決我地

好笑嘅係本作正正反映中國國民對香港民情極度脫節，首先香港人普遍唔會認同中國人呢個身份，「漢奸」二字根本無從說起。再者香港今次運動嘅相關人物最中果個都係岑子杰，反而無極具象徵性人物如梁天琦、梁繼平，就連極具前瞻性提出窮人生仔論嘅戴耀庭教授都無，然後加件「秦檜」落去，盡顯水平之低下。

追得最貼果個都係得岑子杰

呢個就九唔搭八

佢哋真係信有錢收……

微博部份留言

總括而言，自稱文化大國嘅中國，有明文規定禁止煽動民族仇恨、民族歧視，但此遊戲不但無禁止仲表示讚賞，民眾亦都樂見有得對香港人施虐，試問你叫香港人點去認同呢個醜陋、野蠻、落後嘅國家？