PSP 年代曾經有隻遊戲非常講求玩家技巧，呢隻遊戲叫做《劍鬥士 Gladiator Begins》（剣闘士グラディエータービギンズ） ，當年亦都極受玩家喜愛以及有大量討論。呢隻遊戲下年就會推出新一集《劍鬥士X》（剣闘士X），官方仲放咗堆遊戲畫面截圖出黎，都幾有水準！

《劍鬥士X》由 Acquire 開發，以 Unreal Engine 4 製作，採用第三身視點，屬動作遊戲。雖然本作係新作品，但其實係 Base on 上一集大幅加強劇情重製加強版。而上集嘅劇情講述古羅馬帝國時期，身為奴隸劍鬥士嘅玩家，為自由為存活落去嘅故事。

順帶一提，本作畫面表現血腥

遊戲最主要場景都係發生於鬥技場入面，有超大量嘅武器供玩家選擇，當然戰鬥中途執人地嘅武器用亦都係容許的。本作極考玩家技巧，所以有唔少人拎佢黎同《Monster Hunter》比較。遊戲中嘅戰鬥唔可以無腦劈、唔可以貪刀，仲有耐力限制，每使用技能就會減少，到底時就會出現疲勞狀態，會出現太硬值。另外防具同武器有機會被打跌，否則被打中傷害會倍增，極之危險。

《劍鬥士X》預計於 2020 年發售，對應平台未定。但 Acquire 董事長遠藤琢磨曾講過希望喺 PS5 上推出，所以本作最大可能會於 2020 尾推出。