睇外國啲 LEGO 展，成日都會見到啲我地稱為 GBC (Great Ball Contraption)嘅大型運球裝置。而香港嘅玩家終於有機會近距離喺本地欣賞得到啦！聽日一限定，喺九龍官塘基督教中國佈道會聖道迦南書院開放日現場，除左有樂驛地樂高同好會嘅大型火車城市展覽之外，仲有由當校音樂老師兼 LEGO GBC 發燒友宏宇宙老師宇宙 Sir 所製作嘅大型運球裝置。

問過宇宙 Sir 點解會將 GBC 呢個香港唔多人熟悉嘅作品主題做展覽之餘，仲要帶到入學校比學生認識「見到外國展覽嘅 GBC 好精彩，努力了一年半大概砌了十一部 GBC。由於 GBC 表現不穩定，喺 FB向外國 GBC 高手求教、學習，呢個過程中發現有助學生成長，於是今年將 LEGO 引入學校教學，希望透過 LEGO 吸引學生嘅好奇，亦同學生一起齊合作解決今次展覽 GBC 嘅難關。」

宇宙 Sir 講解嘅過程當中，連徐潮妹校長都被 LEGO GBC 吸引住

作為一個音樂老師，宇宙 Sir 梗係有個同音樂有關嘅作品啦，係咩？自己睇下下面條片咪知囉

仲有一眾學生製作嘅 LEGO 繪圖機

除左宇宙 Sir 嘅作品之外唔好唔記得 樂驛地一眾 LEGO 火車發燒友火車城市展覽，入面亦首次香港展出 LEGO 火車站轉盤。所以聽日 LEGO Fans 想搵節目的話，呢個絕對係最佳選擇！

活動詳情：

日期：2019年11月30日
時間：09:00-15:30
地點：順利邨聖道迦南書院二樓PA room