鍾意玩 AVG 嘅朋友，相信你同我一樣對於「Key 社」以及「麻枝准老師」有著濃濃嘅敬意。無論係永恆經典《Air》抑或《CLANNDED》，我地嘅青春期都一定曾經為呢啲作品落淚過。

Visual Art’s（Key 社所屬公司）於 11 月 28 日就於網上宣佈，即將與 WFS 合作開發全新遊戲作品《Heaven Burns Red》，對應平台為手機。

自身13年ぶりの完全新作ゲーム『Heaven Burns Red』（ヘブン バーンズ レッド）のティザーサイトが公開となりました。//t.co/jthjyr35SK
本日から #ヘブバン はもちろん、日々考えていることなどを呟いていきますので応援よろしくお願いします！ pic.twitter.com/y3rwH8gmUI

— 麻枝 准『Heaven Burns Red』制作中 (@jun_owakon) November 28, 2019

《Heaven Burns Red》為麻枝老師 13 年來首隻新作，佢將在擔任遊戲原作、劇本構成以及音樂製作三大部份；角色人設則由《不思議鍊金術士》系列畫師ゆーげん老師負責。目前官方網站上面公開左遊戲嘅主題歌「Before I Rise」，由やなぎなぎ主唱。

遊戲預計 2020 年正式上架，係一隻 RPG 風格遊戲。目前故事大綱以及其他資訊都尚未公佈，不過新遊戲登場消息一出，已經於網上引起熱烈討論。一眾 Key Fans 當然因為麻枝老師有新作而感到高興，但係對於對應平台為手機，大家都不約而同感到不安。

隨住手機盛行，近年日本 PC 向 AVG 遊戲已經式微，所以唔少廠商都轉移平台，將遊戲搬到手機上面。不過，平台唔同，遊戲的質感都會變得有點不一樣。

麻枝老師就表示，佢好清楚玩家嘅擔憂，但係佢亦表示， PC 平台小說嘅全盛期已經過去，所以佢地會努力地於手機平台上面，創作出依然帶比玩家感動嘅遊戲。

到底遊戲日後發展如何，就等我地一齊期待吧。