有返咁上下機齡嘅朋友，一定知道當年《Street Fighter Zero》曾經首創 2 vs 1 模式，打破格鬥遊戲 1 vs 1 框框。早二年於 Nintendo Switch 上重新推出嘅《Ultra Street Fighter II》雖然都有 2 vs 1 模式，不過始終係舊酒新瓶，新鮮感欠奉。而下年初推出嘅《碧藍幻想 Versus》就有人多蝦人少 Mode 玩，早前仲放埋條片出黎添，睇落真係幾過癮！

//twitter.com/gbvs_official/status/1191626616675262464

《碧藍幻想 Versus》係大熱手機遊戲《碧藍幻想》外傳作品，由 Arc System Works 開發 嘅 2D 對戰格鬥遊戲。有別於傳統格鬥遊戲，本作除一般常見嘅 PVP 對戰外，更有富 RPG 元素嘅 PVE 模式，而且更支援多人連線共鬥，即使對一般 PVP 格鬥缺乏興趣嘅玩家都值得一試。

《碧藍幻想 Versus》最大支援三人連線合作遊玩，遊戲將有全新故事線，而喺 RPG 模式下更會有 Boss 角色登場。每隻 Boss 有各自招式就基本野啦，最正嘅係當滿足特定條件就會施展「霸體」呢類特殊技能，即係就算幾個打一個都唔會有絶對優勢，平衡度上有做過功課！

《碧藍幻想 Versus》預計於明年 2 月 6 日推出，由於PS4 獨佔。