大熱作品《為美好的世界獻上祝福》即將推出手機版本歷險遊戲，對應 iOS 以及 Android 平台，預計 2019 年冬天正式上架；遊戲目前於日本方面即日開始進行 Beta Test，而對外嘅【事前登錄】就已經開始左。
遊戲為官方原創故事，劇情全部都有語音對應（Full Voice），一諗到可以又聽到雨宮天耍白痴就好想快啲有得玩！角色仲要係 2D 動態模組，似乎可以重現角色嘅顏藝……
同時，遊戲並唔係淨係得 AVG，亦會有 RPG 戰鬥模式，玩家可以選用自己喜愛嘅角色搭配戰鬥隊伍；牽絆值高嘅角色，據說仲會有攻擊打乘。
有興趣想要事前登錄嘅朋友可以【去呢度】。
至於 OVA 版本《為美好的世界獻上祝福 紅傳說》目前香港現正大熱上映中！早前放映商喺 FB 上面都有大力宣傳呢套電影，講明智障嘅都係藍色，女神真係躺著也中槍。難得佢地用字如此貼題，真係要極力鼓勵大家入場去睇戲！
相關文章：
【讀者投稿】如果中二病有顏色，那一定是紅色 《為美好的世界獻上祝福 紅傳說》觀後感
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。