80 年代初紅到今時今日嘅金毛獅王 (未来ロボダルタニアス)，大家見超合金等等唔同品牌都出過佢嘅產品，亦知道佢造型上唔係咁簡單，加上佢由機械人、戰機、機械獅三機變型合體組成。曾經聽過有製作者嘗試過用 LEGO 砌出嚟，不過最終都無法實現。

不過高難度就唔代表唔得，外國製作者 Startak76 花左近一年時間，真係用 LEGO 砌左隻金毛獅王出嚟。原隻有成 51.3cm咁高，仲要可以還原返機械人、戰機、機械獅三部機體。而且齊頭用左三千件組件，啱啱好可以放上 LEGO Ideas 度比大家投票。

 Daltanious – The Robot of the Future by Startak76

搵埋隻 Minifigure 做比例，對比之下真係幾大隻

當年有睇麗的電視播嘅《太空保衛團》，你應該記得幻影鐵金剛、金毛獅王同金霸機呢幾個名。

幻影鐵金剛(アトラウス)

金毛獅王(ベラリオス)

合體過程都有埋比大家睇

近鏡一望，大家認唔認得佢個咀係邊 Set LEGO 度嚟呢？XD

火炎劍・火炎十字劍法

雖然組件數量限制之下無辨法整埋十字弩同大盾呢啲裝備，不過成功製作並且可以變型合體呢一點已經值得比個 Support 佢。如果大家都希望金毛獅王能夠成為 LEGO 官方產品嘅話，就快啲去下面嘅傳送門比個支持佢啦！

金毛獅王 Daltanious – The Robot of the Future LEGO Ideas 傳送門