講 LEGO 夾萬，好多玩家都會記得官方出過嘅 40110 LEGO City Coin Bank 呢個夾萬外形嘅小錢箱，睇個樣係成個夾萬咁，不過真係一擰一扭就打開左。而我地都知 LEGO 嘅可塑性有無限嘅可能，真係可行嘅LEGO密碼鎖喺咁多年嚟都有見過唔少玩家製作。不過複雜到大家睇完都學唔到。

而喺 LEGO Ideas 上面見到有位新投稿嘅製作人 Il Buono 創作左個只係 445 件組件砌成嘅夾萬，而且仲要有埋密碼鎖咁犀利！

LEGO Ideas Sheriff’s Safe with Combination Lock by Il Buono

製作人 Il Buono 製作呢個夾萬其實有埋故事背景，大概講述惡名昭彰嘅罪犯 Billy the Brick 要打開 Stud City 警長 Wild Brick Hiccup 嘅夾萬，面對住個密碼鎖，Billy the Brick 有咩方法解得開？

冧細路一流之外，作為玩家點都要睇睇佢點樣做到個密碼鎖設計。玩家可自行配搭 30 個不同密碼組合，而喺配件度亦預留位置比你留低密碼線索。就算真係唔記得密碼或者 set 錯左，咁大家咪拆開佢砌過囉(笑)

計埋配件組，全部都只係用左 548 件組件就搞掂晒

咁得意有有趣嘅 LEGO Ideas 作品，你冇理由唔撐啦！如果你都想呢個夾萬成為官方產品，就快啲去下面傳送門比佢 Support 佢支持下啦！

得意密碼夾萬 LEGO Ideas 傳送門