大規模戰爭射擊遊戲不嬲都唔多選擇，黎緊隻《Call of Duty: Modern Warfare》有玩過相信都會認同質素唔錯，但相信有為數不少嘅玩家都會因為政治因素而「不了」。呢個時候久違了嘅《Battlefield V》有新動作，就係第五章更新「太平洋戰爭」最新消息，等咗咁耐終於有美軍同日軍了，可以大叫「Sir, This Way！」。

《Battlefield V》推出之後，各大戰役欠奉、各國軍隊欠奉、載具、槍械數量少，搞到一眾玩家玩得頗為無癮，我哋都有唔少隊友話擺返埋隻 Game 等更新。不過日前官方 Twitter 就出咗條短片預告原定嘅第五章更新「太平洋戰爭」即將來臨。

//twitter.com/Battlefield/status/1186269298483970048

今次「太平洋戰爭」將會追加美國及日本二個新勢力，今年會先追加包含硫磺島在內嘅三張新地圖，以及最少七個新嘅武器裝備，另外新載具、戰艦呢啲當然唔少得。雖然官方尚未公佈更新時間，但係根據慣例會喺「BATTLEFEST 2019」完結後休息一個星期，如無意外的話更新上線時間會係 11 月 7 日。

另外「太平洋戰爭」嘅完整預告片將會於今晚 9 點鐘見街，有興趣嘅朋友可以去下面條 Link 睇。