對日本 Gal Game 有所認識嘅朋友，相信大家對於《你所期望的永遠（君が望む永遠）》呢套作品都唔會陌生。於 2001 年以成人戀愛遊戲於 PC 上面登場，及後亦改版移植到 Dreamcast 以及 PS2 上面，而 2003 年開始播放嘅動畫以及 OVA，更加令到更多亞洲朋友認識到呢套作品。
今年適逢係《君望》遊戲公司 AGE 社成立嘅 20 週年，佢地尋日就舉行左及為「still breathing」嘅網路播送活動，先係連續播放左旗下多套作品嘅主題曲，亦帶黎幾個新消息，其中一個為：《君が望む永遠》將會重啟企劃，暫名為《君が望む永遠 Reboot》，目標係開發貼合現今時代遊戲質素嘅新作品。
不過，網上反應就有兩種聲音，有人話「已經踏入令和，仲擁抱住平成年間嘅成功不放真的好嗎？」，亦有 Fans 單純地感到期待。畢竟《君望》去到而家都仲係唔少 Fans 心中經典作品之一，由栗林みな実主唱嘅多首 OP 及 ED 可能去到而家大家都仲聽緊，所以，今次呢個 Reboot 企劃，的確係叫人驚喜的。
栗林みな実去到今年都仲會演唱《君望》歌曲：
アニサマ2日目、ありがとうございました。
?OVA 君が望む永遠 ～Next Season～OP主題歌「Next Season」
?舞-乙HiME 第2期OP主題歌「Crystal Energy」#奥井雅美 さんと、
?少女革命ウテナ OP主題歌「輪舞 -revolution 」
を歌わせていただきました。心から幸せな時間でした? pic.twitter.com/3fRrSw0Jly
— ?栗林みな実? (@minamiracle6_6) August 31, 2019
官方有暗示呢個 Reboot 企劃與旗下另一作品《Muv-Luv（マブラヴ》有所關聯，因為 AGE 社本身都經常將作品角色擺去其他作品中再使用，所以到底正式遊戲會係點樣，有消息會再同大家報導。
最後附上 AGE 社「still breathing」嘅影片，開頭一個鐘全部都係作品裡面嘅主題曲或插曲，歌手由栗林みな実、奧井雅美、fripside、JAM Project 去到 GRANRODEO（即係《君望》男主角聲優谷山紀章自己嘅樂團）都有，都可以話係非常星光熠熠嘅回憶集合：
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。