如果有留意開啲 PC 瘋狂 Game 嘅玩家，點都聽過睇過玩過一隻第一身射擊遊戲《POSTAL》#Postal3isSuck。簡單直接嘅瘋狂玩法加上荒謬到爆炸嘅故事、任務、武器等等，令佢成為 Cult 爆嘅經典遊戲系列。

全新嘅《POSTAL 4: No Regerts》亦喺今日於 Steam 平台正式上市，繼續有最標緻性嘅隨處小解系統(笑)，喺亞利桑那州炎熱嘅沙漠小鎮，拎出你嘅肥貓槍、白鴿砲、汽油水槍等等痴線級武器去「解決」鎮上唔同嘅任務。

提提大家《POSTAL》呢類行得咁前嘅遊戲，深得好多道德人仕關注，所以如果大家想玩《POSTAL 4: No Regerts》嘅話就真係唔好等，到被下架之後就後悔莫及啦！