《Citadel: Forged with Fire》由 Blue Isle Studios 開發，早在 2017 年時於 Steam 平台上發售，不過當時就無對應繁體中文版。事隔兩年，遊戲已經繁體中文化，並定於 2019 年 12 月 5 日登陸到 PS4 平台，中文名為《城塞：火焰之煉》（美版將於 11 月推出）

《城》係一隻以「魔法」為主軸嘅開放世界生存遊戲，支援多人聯機。玩家身份為魔法師（除左火魔法之外仲有其他唔同屬性），而玩家必須利用魔法喺遊戲世界中生存落去。

根據官方提供資料，遊戲最大特色在於戰鬥以及移動、收集材料、馴服野生動物等等要素，全都需要以魔法進行。武器包括斧頭、魔杖、護手甲等等，全部都可以用黎施展攻擊魔法；同時玩家可以使用飛天掃帚翱翔天際等。

多人連線遊玩模式中，最多可以比 40 位玩家於同一個伺服器遊玩，而聯機有 PVP、PVE 等多種遊玩模式可以選擇。

不過，遊戲於 Steam 平台推出以黎，評價亦都非常多樣，作為一隻細廠遊戲，畫面似乎並未做到最好嘅調整，Drop Frame 狀況頗多，同埋作為一隻聯機遊戲，最重要嘅伺服器問題亦令到好多玩家感到疑惑。今次官方話將遊戲改良先至登錄 PS4 平台，唔知出到黎效果又會唔會比 Steam 版表現理想？