老實講，無雙呢味野我諗都唔洗介紹，而《海賊無雙》系列已經係第四集，有玩過嘅都應該熟晒。今次劇情除咗有蛋糕島之外，仲會有埋和之國以及早期部份場景。實機試玩《海賊無雙 4》後，感覺上都係 Keep 到水準，有玩開嘅朋友可以放心入手。

今集玩法同系列前作大同小異，都係要玩儲幣。而根據官方消息劇情會包括力戰四皇大媽 BIG MOM、和之國劇情，以及系列首次登章嘅路飛「四檔」彈簧人。另外仲加入場地破壞、空中無雙等，畫面表現的確有進步。

今次試玩可用角色唔多，只有路飛、索隆、青雞、凱洛特同伊治。而可遊玩部份分別係和之國歷險同挑戰大媽。我地選擇咗前者。唔知係未調整嘅關係，定係為咗突出主角威能，用凱洛特打 X-德雷克（即係果條暴龍）時，接近係磨血慢慢磨死。但用路飛爆四檔打佢就幾下打完，完美咁話比大家聽咩先叫「無雙」。

《海賊無雙 4》繁體中文版預計於 2020 年發售，對應平台為 PS4 / Xbox One（限歐美）/ Nintendo Switch / PC Steam。