9 月 13 日於 TGS 2019 舉行嘅記者會入面，製作人 先生再次就即將於 2020 年 3 月 3 日推出市面嘅第一部《Final Fantasy VII Remake》分享更多遊戲相關嘅資料。

早前已經公佈今次《FFVII Remake》嘅劇情，將會去到主角們逃出「米德加」為止。唔少玩家都擔心遊戲份量並唔足夠，不過製作人就表示唔需要擔心，因為本身「逃離米德加」呢一段劇情，其實有非常豐富嘅內容，今次重製，唔止淨係要畫面表現吸引，製作團隊亦都非常重視點樣強化故事劇本嘅深度，令到主線及支線都更加有層次感。

至於戰鬥方面，由於今次 TGS 2019 提供嘅試玩版本，其實就係我地香港地區電玩節 2019 時先行公開嘅版本，相信唔少朋友都喺會展試玩過添！

雖然《FFVII Remake》嘅動作元素加強左，但係佢都始終係一隻 RPG 遊戲黎，所以揀 Command 進行戰鬥嘅玩法，好處係所有玩家都容易上手，不過如果一心想要玩動作遊戲嘅朋友，或者就唔好於戰鬥活動性上面有過高期待了。

有興趣嘅朋友可以參考以下呢篇試玩文：
【試玩報告】香港首個《FF 7 Remake》試玩速評！操作戰鬥感略嫌未夠爽快＃不過真香

以下為 TGS 2019 最新版本嘅《FFVII Remake》宣傳片：