Capcom 前一排公報左個同《BIOHAZARD》相關嘅新計劃名稱 – 《Project Resistance》，講明會喺今年東京遊戲展 2019 中公佈並且有得試玩！雖然東京遊戲展仲有幾日先開始，但係 Capcom 已經急不及待出定條預告片提一提大家呢隻重點作品！
睇條預告今次四人合作，每人武器有所不同，有又要限時又有唔同嘅怪物登場，大家好易聯想到會唔會係同當年《BIOHAZARD：Outbreak》相類似玩法嘅遊戲？定係出隻同《L4D》相似嘅第一身射擊？
不過網民見到條預告搞到咁電影感咁好睇(又諗返 Dead Island…..)，聞到有少少伏味湧出嚟，叫大家有定心理準備。儘管係龍係蛇，過多幾日喺 TGS2019 上就有答案！記住繼續留意住我地嘅報導同 TGS2019 嘅第一手消息啦！
阿九
打機 - 識少少；玩具 - 識少少；睇戲 - 識少少；動漫 - 識少少.....
買膠、派膠、分享膠！Only The Best Is Good Enough！
Lego Enthusiast //goo.gl/HRnxDW