考驗友情遊戲不嬲都好受歡迎,大家黎緊又有個新選擇啦!即將推出嘅《嘿喲走你!》(Heave Ho!)雖然都係考驗友情系列,不過就唔係要諗計整死隊友果種,而係真正同朋友合作過關,咁過程中有意或無意咁整死隊友就在所難免架啦,大家準備好開波未?
《嘿喲走你!》(Heave Ho!)由獨立遊戲團隊 Le Cartel Studio 開發,最大支援四人遊玩。遊戲內容非常簡單,玩家將操控一隻只有頭+二隻手嘅角色,利用物理擺盪原理去捉住抓住藤蔓或繩索去到目的地,即係好似泰山「哦噢哦噢哦」咁。而喺移動過程中,遊戲並無路徑或時間等限制,只要唔死就得,不過地圖中會有大量陷阱,一個唔小心就會拜拜。
《嘿喲走你!》(Heave Ho!)將於 8 月 30 日正式上市,對應平台為 Nintendo Switch 及 PC Steam。