呢排無乜 Game 出，大家都好 Dry 下。最近就有隻好野好似好少人留意到，類似《Dark Souls》咁玩，同樣有超勁小怪+富特式強力 Boss，當然就唔少得各種各樣武器，不過就會有大量遠程槍械使用，好有吸引力！

《Remnant: From the Ashes》由 Gunfire Games 開發，屬第三身射擊動作遊戲，最大支援三人連線遊玩。故事講述大地已經由怪物統治，玩家作為僅存嘅少量人類，努力去重建並奪回失去嘅事物。

遊戲最正嘅地方除咗富有《Dark Souls》味嘅戰鬥系統，仲會有自動生成隨機世界，每次遇敵甚至觸發任務嘅過程都會有所不同，而且場景設計有獨特風格，畫面特效做得頗為出色，絕不遜於 3A 大作水平。

另外《Remnant: From the Ashes》有 RPG 升級元素，擊敗敵人後將會得到特定經驗值，可以用黎升級取得角色技能以及裝備、素材等等。雖然有各種強化角色能力方式，不過就唔會話後期有得開無雙，因為遊戲有動態等級系統，即係當你越強時，敵人亦都會越強。

《Remnant: From the Ashes》已於 8 月 20 日正式發售，對應平台為 PS4（港服未見上架） / Xbox One / PC。