政治與我們息息相關，而相信香港最近情況，亦很難令大家坐視不理、視若無睹。因為香港近日「峰火連連」，原定將於 8 月中於香港舉行嘅《Capcom Pro Tour》香港站，早前亦由美國官方以「保障選手安全」為理由，將成個香港站項目從比賽中移除。

此舉一出，當然令到唔少亞洲區選手大表失望，失望唔止於「無得打比賽」，亦都因為大家都對香港嘅現狀感到痛心。與香港一向友好嘅台灣，就有一名代表，率先為今次嘅事情發聲，佢就係 Gamerbee，通稱小向，台灣籍國際格鬥電競選手，Capcom Pro Tour 目前國際排名 27 位，亞洲排名 20 位。

佢用佢嘅 FB 粉絲專頁，轉發左尖沙咀 First Aid 女性義工被警方 Head Shot 射爆眼球嘅新聞，全文如下：

「在這個世界上的某個角落，一定有人為了做對的事，而付出了極大的代價。」作為一個國際選手，同時係一位台灣人，面對住各種「國家級」嘅壓力，Gamerbee 都仲願意為呢件事發聲，作為遊戲界嘅一份子，我地好多謝你關注。