去年冬天 Netflix 公佈《The Witcher》劇集版 Geralt 嘅選角以及人設，當時引起唔少網友熱議，有人話前 DC《超人》演員 Henry Cavill 飾演嘅 Geralt 太青靚白淨，唔符合《The Witcher》嘅感覺，當時我地都就呢件事報導過。

係咪真係太青靚白淨呢？

事隔大半年，Netflix 終於首次公開劇集 Trailer，展示主角群嘅造型之餘，亦首次公開「怪物」嘅大概模樣。不過，對於女角色 Yennefer 以及 Ciri 嘅造型，網友反應就相當兩極，有人話由 Anya Chalotra 飾演嘅 Yennefer 非常吸引，亦有人似乎唔太受落女主角嘅選角。

我地一齊黎睇下 Yennefer 以及 Ciri 嘅造型先：

女角色靚唔靚同埋似唔似，當然都有少少個人口味問題；不過，《The Witcher》嘅玩家、小說讀者就傾向對呢套電視劇頗為保留。

不過，所有真人改篇嘅二次元作品，喺公佈初期通常都係負評多過期待，所以網上面一片質疑之聲，其實亦都係意料之內。劇集其實搵黎小說原作者 Andrzej Sapkowski 作為創作總監，所以最後會唔會令人驚艷都係未知之數。

Netflix《The Witcher》預計第一季為 8 集，大約 2019 年秋季會正式上架。

相關文章：
【百變星君】Netflix《Witcher》電視劇男主角造型公開引起熱議！似《魔戒》精靈王定係《哈利波特》馬份老竇？