末世生存一直都係熱門嘅遊戲題材，不過呢類生存遊戲大部份都係講緊周圍搵資源、起野、打怪等等。如果同你講喺災難來臨前你只有六十秒收拾物品，然後就依靠呢堆物資去盡可能生存落黎，並且只可以係地下室活動，成件事係咪邊得好有新鮮感呢？講緊嘅就係即將推出加強內容嘅《60 Seconds! Reatomized》。

《60 Seconds! Reatomized》遊戲設定非常簡單，60 秒後將會有核彈爆發，主角必需喺有限時間內搜集各種類型嘅資源以及帶家人進入家中嘅地下避難所，然後就要盡量利用有限嘅資源生存落去。

家中嘅雜物唔係得個樣，撞到的話會影響速度，增加收集勿資時緊張感

遊戲中需要分配各種有限資源，好似水、食物等等就係必需品，但係並非每日都要食。但如果你以為只要入地下室前執大量食物同水就可以輕鬆過關就未免太天真，因為儲存過量食物但長時間無使用就會變壞生蟲，並引致疾病發生，而疾病往往係令全家滅團主要原因。當面對各種危機時，到底應該要犧牲家人確保物資，定係盡力令所有人生存？而隨玩家選擇物品、行動不同，會引發各種隨機事件，當中亦有女兒變異等特別事件發生，頗為有趣。

可收集物品會有白框框住，易於識認

要妥善分配資源

日日困住喺個地下室度，真係人都癲

《60 Seconds! Reatomized》由波蘭獨立遊戲團隊 Robot Gentleman 製作，屬於前作《60 Seconds!》強化版，遊戲將會支援 4K 解析度，追加全新音效以及追加全新生存挑戰模式。而且仲可以踏足廢土冒險，當然 McDoodle 主角一家人將會有全新嘅故事及變化。

《60 Seconds! Reatomized》預計於 2019 年 7 月推出，暫時只有 Steam 平台，並只對應殘體中文，想要正體中文嘅就要自己打 Patch 啦。至於《60 Seconds!》則有 Nintendo Switch / Android / iOS 版本。