自從隻《星矢：課金傳奇》推出之後，大家對以動畫做主題嘅手遊要求高咗。即係要原作者做啲新嘅過場動畫、主題曲動畫之類，無返咁上下財力的確唔容易做到。而今次介紹呢隻由 SEGA 製作嘅《北斗之拳：傳承者再臨》，就有原作者原哲夫老師全面監修所重新繪製嘅角色插圖，當然仲有埋極多 CG 原作再現動畫情節，的確唔錯！
《北斗之拳：傳承者再臨》遊戲故事都係跟返原著劇情，而製作人岩本耕平先生亦都話想專注做好原著故事先，之後先再考慮會唔會加入原創劇情。本作遊戲特色除咗有上述提及過有新插圖、新過場 CG 動畫外，必殺技奧義都係會用新嘅 CG 動畫製作。而且更會有原作漫畫配以聲音讀白演出，更有部份劇情製作全新劇情動畫，內容都頗為豐富。
戰鬥系統部份就做得相對地簡單，因為製作團隊希望玩家可以享受「用一隻手指即可發動連段的動作遊戲」，而我地試玩過亦都真係幾易玩。遊戲基本由五人小隊組成，發動普通攻擊後只要配合時機觸碰螢幕即可進行連續技攻擊敵方。不過唔知係咪初始隊伍關系，畫面中出現嘅觸碰提示全部都係一樣，略嫌單調。（詳細可看下面片段）
製作人岩本耕平先生
《北斗之拳：傳承者再臨》預定於 2019 年內上市，製作人岩本耕平先生就透露話會係好熱嘅時間上市，大家應該明啦！現時遊戲於日本、台灣、香港、澳門正展開事前登錄，只要5萬人達成即贈送「雷伊」，並且還有其它多數豪華獎勵。
順帶一提，本作係由 SEGA 官方直營。
角色強化要用返該角色碎片，意味住……你懂的
VJGamer總編，細細個已經蒲機舖，機齡甚深，熱愛電玩文化。