台灣遊戲工作室「赤燭」因為開發驚慄遊戲《返校 Detention》而聞名，遊戲以台灣 60 年代為背景，故事以女主角「方芮欣」一名中學學生嘅角度出發，去引出劇本裡複雜嘅政治、迷信等等問題。

《返校》得到當地電影商垂青，得到版權開拍真人化電影，起用新紮女演員「王淨」飾演女主角；王淨或者未為港人讀者所熟悉，佢曾出演電影版《鬥魚》女主角，同時亦為 2019 年新版台劇《愛情白皮書》主角之一。

電影概念圖

台灣女演員「王淨」

電影原定於 2018 年上架，不過最新公佈日期已定為今年 9 月 20 日於台灣本地先行上映。《返校》由於討論政治白色恐怖以及起用大量中式傳統迷信而為亞洲及海外玩家關注，遊戲更一炮而紅，不過赤燭之後新作《還願》因為被發現遊戲原始圖檔裡面有「被認為係侮辱鄰國」嘅字句出現，所以令到《還願》落架，赤燭更受到鄰國強大壓力，去到而家，遊戲依然再度上架無期。

《返校》電影上架，暫時未知鄰國取態如何，唔知會唔會又再掀起另一輪攻擊赤燭嘅風潮。至於電影暫時未有消息會於香港上映，想睇電影嘅朋友或者要等到出 Blue Ray 了。

延伸閱讀：
好耐無出現過既台灣民俗恐怖 Game《Detention 返校》正式上市！
【台灣強勢】迷信拜神拜出禍《還願 Devotion》赤燭最新恐怖遊戲 2 月 19 日上市
【方丈好小器】《Kingdom Heart 王國之心 3》有 Winnie The Pooh・強國遊戲報導變哂閃光 Play！