由 Grasshopper Manufacture 開發嘅遊戲系列《No More Heroes（英雄不再）》事隔多年終於推出第三集《No More Heroes III（ノーモア★ヒーローズ 3）》。遊戲首集推出已是 2007 年嘅事，當時對應平台為 Wii。今次報導嘅《No More Heroes III》目前為 Switch 平台獨佔，預計 2020 年發售。

遊戲背景為第一集嘅 10 年後，主角依然為美國殺手 Travis Touchdown，佢再次回到初代起源地「聖誕已死城」。呢個時候嘅「聖誕已死城」嘅海域上面漂浮住大型嘅奇妙建築，而建築物入面係一個城市。呢個城市，就係今次故事新嘅舞台。

或者大家對 Grasshopper Manufacture 以及佢地嘅領軍人「須田剛一」感到陌生，PS2 年代佢地曾製作遊戲《Killer 7》，佢地亦都有份參與著名恐怖遊戲《零》系列第四集《零～月蝕的假面～（零〜月蝕の仮面〜）》嘅開發。

須田剛一製作遊戲嘅風格，帶住濃濃都市「龐克（Punk）流行感，就咁睇今次嘅《No More Heroes III》嘅公開片段亦都不例外。