喺 B社(Bethesda) 嘅 E3 發佈會上面，早前令全球玩家大失所望嘅《Fallout 76》有啲進刺激喎！今次喺會上講左兩個更新，第一個依家就已經試得到嘅係全新嘅大逃殺模式《Fallout 76 – Nuclear Winter》。
呢個《Nuclear Winter》每場可以有 52 個玩家同時進行，而分成 13 隊 4 人小隊。特別之處除左可以使用《Fallout》入面嘅武器(包括核彈)同 Power Armor 之外，仲可以建造自己嘅營地去做防衛，並且現場仲有其他「野生怪物」會襲擊玩家，不過殺得到係會有戰利品拎得到！
我有甲，縮圈都仲捱得住！
如果喺《Nuclear Winter》贏得到嘅所有獎勵，玩家都可以喺Adventure Mode 同 Survival Mode 度用得返！
《Fallout 76 – Nuclear Winter》今日開始就可以比大家試玩得到，如果大家係冇 Game 嘅話，即日到 6 月 17 號 《Fallout 76》都可以比大家免費下載試玩。
另一個更新《Fallout 76 – Wastelanders》就要等到今年秋季，《Wastelanders》簡單講就係為補完《Fallout 76》當中嘅 Fans 們最失望嘅人類 NPC，並且可以有對話選擇。而呢個《Fallout 76 – Wastelanders》故事發生喺《Fallout 76》後嘅第二年，重奪阿帕拉契(Appalachia)嘅故事。
兩個大型免費更新，唔知會唔會令玩家們比多次機會《Fallout 76》重新返到廢土世界？
阿九
打機 - 識少少；玩具 - 識少少；睇戲 - 識少少；動漫 - 識少少.....
買膠、派膠、分享膠！Only The Best Is Good Enough！
Lego Enthusiast //goo.gl/HRnxDW