今日由微軟所舉行嘅 Xbox E3 展前發表會上，公開由 Techland 所推出，結合 Parkour 同殺喪屍嘅開放世界生存遊戲系列新作《Dying Light 2》（垂死之光 2）最新影片，同時正式公布上市時間。

《Dying Light 2》係首隻結合 Parkour+喪屍嘅開放式世界遊戲，首集喺 2015 年推出，今次續集最大分別係玩家可以藉由不同嘅方式去改變世界。例如同一任務可以選擇武力強奪，又或者係和平合作，當然每個選項亦會改變後續劇情。而劇本方面更請到業界知名猛人 Chris Avellone 負責，非常吸引。

遊戲需要玩家喺喪屍環伺嘅世界生存，一邊與喪屍戰鬥一邊收集各種資源，同時使用 Parkour 能力去穿越城市。《Dying Light 2》預計於 2020 年春季發售，對應平台 PS4、Xbox One 及 PC。

回帶相關文章：

【E3 2018】開放世界喪屍生存遊戲《Dying Light 2》發表 自選行動影響劇情