今年啱啱今日正式開始嘅亞洲最大LEGO迷活動 – Japan Brickfest 2019，香港有好多 LEGO 製作人到場參展。而其中有五大高手聯合做左一個驚豔全場嘅系列出嚟！不過今日暫時介紹住其中之一，阿寶最後一部駕駛機體 Nu Gundam 嘅一米高 LEGO 版本！
如果大家仲記得的話，Herbert就係之前LEGO鬥陣特攻系列創作比賽總冠軍人馬。今次製作呢隻成一米高嘅 Nu Gundam ，其實係同 LEGO 界五大高手聯合以高達入面嘅機體做製作主題，再去挑戰一米呢個製作高度。而佢揀 Nu Gundam 主要原因就真係作為阿寶嘅 Fans ，見咁多人都製作過 RX-78 ，不如自己試下啲冇乜人做過嘅機體啦，結果唔選第一部就決定做最後一部。
講緊淨係砌主體，都用左 Herbert 三個月時間
背後嘅細節都完全做足架
聽 Herbert 講返，原來 Nu Gundam 個頭未喺合作前就已經一早砌過，果然係阿寶嘅忠實 Fans
步槍同浮游炮又點少得
其他五大高手包括：DOM by Timothy、UNICORN GUNDAM by Kaka Wah 、Sinanju by ArzLan Lego、Nu Gundam By Herbert Lee、Ex-S Gundam by Schneider Cheung
呢兩日佢地都會喺日本神戶市嘅 Japan Brickfest活動入面展出，香港朋友想親眼見到佢地嘅作品的話，咁就要繼續留意住我地嘅報導同介紹啦！
阿九
打機 - 識少少；玩具 - 識少少；睇戲 - 識少少；動漫 - 識少少.....
買膠、派膠、分享膠！Only The Best Is Good Enough！
Lego Enthusiast //goo.gl/HRnxDW