對於 Game 齡有番咁上下嘅玩家黎講，《莎木（Shenmue）》相信係你地心目中一個時代嘅印記；不過《莎木 3》自公佈以來，帶住濃濃古早味嘅遊戲畫面，都令到唔少玩家心生疑惑；同時，原定 8 月推出嘅遊戲，去到今日都遲遲未有 Demo 版或者 Beta 測試公開，所以遊戲系統方面都令玩家既期待又怕受傷害。

盡善盡美，是好的。工作室早前就宣佈《莎木 3》將會由原定 8 月 27 日發行，延期到 11 月 19 日先至推出，對應平台依舊為 PS4 及 PC，原因係話「想進一步改革系統」。

Fans 們都等左咁耐，就唔差在等多一陣。不過，發售日揀係 11 月中，又係咪好選擇呢？

同樣以 PS4 平台作品黎比較嘅話，小島秀夫大神備受矚目嘅新作品《Death Stranding 死亡之絆》只係早《莎木 3》一星期左右推出（11 月 8 日）。係，雖然玩家同一段時間可以入手幾隻遊戲，不過對手係小島大神，大家又同樣係單機遊戲，唔知會唔會因此令到《莎木 3》嘅銷量放緩呢？

11 月 8 日 推出

11 月 19 日推出

又或者咁講，到底 11 月 19 日《莎木 3》係咪真係可以如期推出呢？我地一齊靜心等待吧。