有三大射擊遊戲系列之稱嘅《R-TYPE》，自 2003 年推出《R-TYPE FINAL》之後大家都以為成個系列正式完結（結局都算幾完整），然後今年愚人節果陣，開發商 Granzella 就話系列最新作《R-TYPE FINAL 2》正在製作中，雖然大家都好興奮，但係大家都只係當係愚人節玩笑，點知原來唔係吹水，真係開發緊，仲喺 Kickstarter 做緊眾籌添！

《R-TYPE》系列同其他射擊遊戲最大分別係每架飛機都會跟一個波波「Force」，「Force」本身係無敵嘅，可吸收敵人子彈，亦都可以根據強化道具，升級為三種唔同類型嘅鐳射，可謂不攻防一體嘅裝備。

另外本系列最為人所熟知嘅就係超強大嘅故事內容，《R-TYPE》故事設定頗為黑暗，但故事內容引人入勝，而且每代之間都有關連，有興趣嘅朋友可以拜讀巴哈作者 orz750201 嘅文章，非常詳細。

超經典 Boss

最新作《R-TYPE FINAL 2》由原公司 Irem 授權比前員工九条一馬所設立嘅 Granzella 開發，並繼承 2003 年推出嘅《R-TYPE FINAL》故事架構，而且會大幅強化機體性能、操作感、爽快度等要素，屬於正式續作，並且會於 PS4 / Xbox One / Nintendo Switch 及 PC（Steam）上推出。

之前係 Twitter 上做嘅調查，有趣嘅係外國玩家大比數認為要落係 Nintendo Switch 上

現時正在 Kickstarter 眾籌中，現時集資金額已到要求一半，有興趣嘅朋友記得去支持下，仲有七日時間。

《R-TYPE FINAL 2》Kickstarter 傳送門