今年最受格鬥迷期待嘅遊戲非新版《侍魂》（SAMURAI SHODOWN）莫屬，本身就預咗要係正式推出日（ 6 月 27 日）先有得玩，但係原來 5 月 31 日就會有體驗版比大家下載試玩，大家可以試完再決定買唔買啦！

《侍魂 曉》（SAMURAI SHODOWN）故事背景設定於初代《侍魂》一年前，十六位劍豪各自堅守自身信念嘅物語。新一代除咗畫面超強化外，仲追加新 AI 功能，會學集玩家嘅戰鬥方式後製作出「替身」。當然，歷代固有系統例如「怒氣值」、「一閃」、「秘奧義」等都得以保留。

體驗版將提供對抗模式（CPU戰/ 線下對人戰）、指南模式以及訓練模式。另外可選用角色有主角「霸王丸」、「娜可露露」同埋新角色「鞍馬 夜叉丸」。

體驗版將於 5 月 31 日- 6 月 20 日上線，每位玩家可以有二小時體驗時間（反正免費下載，轉個 PSN 咪又有得玩），對應平台為 PS4、Xbox One。