有點歲月的玩家一定會聽過《STAR OCEAN（星海遊俠）》呢個 RPG 系列，系列第一集由 tri-Ace 開發、並由 Square Enix 發行，首集面世時已經係 1996 年，當時對應平台為超級任天堂。

去到 2007 時年，作品首次高清 3D 化登錄於 PSP 上面，然後黎到 2019 年嘅今日，官方宣佈將會就 PSP 版本再作系統及畫面調整，預計不日再次登錄於 PS4 以及 Nintendo Switch 平台上面。

今次呢個消息，係由手機版《Star Ocean: Anamnesis（スターオーシャン：アナムネシス）》嘅營運總監「甲斐聖現」先生公佈的。佢話好多玩家都表示，而家想玩返《星海 1》實在太困難，要知道新一代朋友要入手超任或者 PSP 都唔係一件易事，畫面質素亦同而家市面上作品有好大距離，所以工作室先會萌生「再次高清化」嘅想法。

甲斐聖現仲補充話，黎緊嘅《STAR OCEAN First Departure R》喺玩法同操作上都唔會作出更改，只不過會加入「一定令舊玩家高興」嘅元素，唔知會係新篇章抑或係單純嘅 Fans Service 呢？

遊戲預計對應日英語音及字幕，正式發售日期有待公佈。