電影《名偵探 Pikachu》已經上映左好一段時間，相信大家都已經見慣戲入面嗰一隻毛茸茸嘅比卡超！

記得人設剛剛公開之時，唔少朋友都話「唔接受呢種質感同模樣嘅比卡超」，但係老老實實，睇慣左其實又幾得意的，同埋如果話比你知，比卡超最初始嘅人設，比而家更加有「獨特性」嘅話，你會唔會覺得而家版本嘅比卡超更加可愛呢？

為左方便大家做即時比較，以下係電影版本嘅比卡超，以及初始設定嘅比卡超：

/w\

？！！！

原來，電影概念畫師 RJ Palmer 知道比卡超係大叔聲之後，一開始想營造佢有一種中年叔叔嘅感覺，所以刻意將佢畫得麻麻甩甩同埋中年發福；不過，佢自己畫完之後都覺得「哪裡怪怪的」，加上開始收到各方面希望修正嘅建議，慢慢改進，先至變成而家大家喺銀幕上見到嘅版本。

以下係 RJ Palmer 最初嘅中年比卡超版本：

So it’s been a couple weeks since Detective Pikachu came out. What better way to start posting my work than the man himself. I just want it to be known that I definitely tried pushing a Danny Devito angle at one point. I worked on this project for 7 months, so expect more soon. pic.twitter.com/3Tu9jiMBCX

— RJ Palmer@Fanime 1407 (@arvalis) May 23, 2019

講起 RJ Palmer，其實佢本身係任職於 Ubisoft San Francisco Studio 嘅設計師，因為曾經參與名為「Realistic Pokemon」同人設計嘅活動，而引起電影團隊注意，決定邀請佢加入電影嘅美術行列。

至於佢當時參與「Realistic Pokemon」嘅作品，可以參考以下呢一度：

I wanted to spend a bit more time on Sobble since it was looking a bit unfinished compared to the Grookey and Scorbunny. Now you can easily see all three Realistic Pokémon starters here instead of hunting for the individual tweets. pic.twitter.com/aluUm5Sez2

— RJ Palmer@Fanime 1407 (@arvalis) May 17, 2019