琴日 Ubisoft 正式發表《Ghost Recon》系列最新作品《Ghost Recon : Breakpoint》（火線獵殺：絕境），今次玩家再次扮演美國美國菁英特種部隊「魅影小隊」成員，玩家將面對更強悍既敵人，不過官方影片內強調玩家並非「獵人」而係「獵物」。

《Ghost Recon : Breakpoint》同上集一樣，屬第三身射擊遊戲，可以單人或最大支援四人連機遊玩。

今次遊戲同樣係變化多端、環境險惡且充滿神秘既開放世界為舞台既軍事射擊遊戲。今集玩家將探索神秘島嶼奧羅亞，島上有最先進既科技設施，亦有狂野原始既大自然。奧羅亞同時亦係專門研發 A.I. 及無人機科技公司「斯凱爾科技」所在地，但係就被壞人佔領並且與外界完全失去聯系。

今次既敵人「戰狼」係由前魅影小隊成員組成，佢地係叛變前係美國軍事部隊，由牧羊人前軍中同袍科爾．D．沃克上校（由 Jon Bernthal 飾演）領導下，改寫了斯凱爾無人機程式並將佢地變成殺人機器。題外話 Jon Bernthal  曾經飾演 Marvel 劇集《Punshier》主角，絕對有睇頭！

玩家將會係奧羅亞面對各種挑戰，而陡坡、累積既傷勢及疲勞更會影響玩家作戰狀態。當然為咗應付呢啲新挑戰，玩家除咗有數千種可選擇既自訂組合，創造出啱自己手型既魅影幹員，仲有大量既戰術選項同工具使用，當然亦有完全自由度去選擇如何完成任務。

另外戰鬥以外，潛行亦都非常重要，玩家將能搬運敵人及隊友軀體，利用俯臥隱蔽融入四周環境中，以及係野營地與隊友紮營來管理裝備、變更兵種，和微調戰略。

《Ghost Recon : Breakpoint》正式推出時將同時開放 PVP 遊戲模式，後續亦會定期推出更新內容。將包含全新故事情節、兵種與特色/功能，仲有系列中首次出現既「掠奪戰」（Raid），不過未知會否如《Division 2》般加大最大參戰人數。

此外，Ubisoft 也同時發表了《火線獵殺：絕境》黃金版、終極版和戰狼典藏版**內容

•          黃金版包含遊戲主程式和 Year 1 Pass。

•          終極版包含遊戲主程式、Year 1 Pass 以及終極組合包。

•          戰狼典藏版包含終極版內容、一尊 Ubicollectibles 高品質科爾．D．沃克上校公仔、一個 Steelbook 鐵盒、一個沃克的軍籍牌複製品、一張奧羅亞防水地圖、特製藝術印刷品，以及遊戲原聲配樂。

預購黃金版、終極版或典藏版的玩家將可提早三天遊玩《火線獵殺：絕境》。此外，只要預購《火線獵殺：絕境》，就可取得遊戲發售前舉辦的 Beta 測試的參加資格，另可獲得內含獨特裝備的「哨兵軍團組合包」。

遊戲將於 10 月 4 日推出，對應平台為 PS4 / Xbox One / PC。