將於 5 月 9 日正式上映嘅《神探 Pikachu》，相信大家喺睇完預告片之後都對佢有唔同睇法。

作為 Pika Pika 嘅忠實 Fans（係，我只係 Pika Pika 嘅 Fans LOL），等左咁耐，多謝 WarnerBrosHK 邀請，令我地睇到優先場。下面係少少感想，無劇透，放心！（呢期特別緊張有無劇透XD）

1）識玩，中文配音成套戲得「Pikachu」無中文名。

作為 Pika Pika Fans，呢個安排我覺得幾好，至少唔洗聽到其他譯名，因為無論用比卡超定係皮卡丘，相信都會有觀眾唔鍾意吧……（不過其他小精靈都係用返近期嘅官方譯名）。

2）小精靈「真人化」，滿足童年時代嘅幻想！

今次將小精靈「真人化」，小精靈皮膚質地各有各特色，我自已就好鐘意啦，因為實現左我細細個幻想小精靈真實存在嘅世界……不過好彩套戲唔多蟲系小精靈。同埋，模組算係非常像真，要知道「真人化」唔易做呀，你睇下隔壁棚嘅超音鼠……

3）劇情安排正路，Fans 們值得一睇！

中文版配音起用方力申同埋鄭中基，真係夠哂本土，不過……我就比較鍾意英文原版多啲。故事方面，劇情唔算好緊湊，成套戲最大樂趣，係大家可以搵下周圍有咩小精靈，好似搵彩蛋咁都相當過癮！

不過，順帶一提，唔係隻隻都小精靈都走可愛路線，真人化後嘅小精靈，有啲一出場就嚇親一齊睇戲嘅小朋友 XD

鐘意《Pokémon》嘅朋友，如果你都想滿足小精靈喺現實世界出現嘅幻想，就快啲入場輕鬆睇啦！

以下為電影 Trailer（英文及粵語）：