吸血鬼一直係唔少作品嘅熱門題材，瑞典遊戲工作室 Paradox Interactive 就宣佈即將推出新遊戲《Vampire: The Masquerade – Bloodlines 2》，預計推出時間為 2020 年 Q1，對應平台為 PS4、Xbox One 以及 PC。

其實遊戲第一代《Vampire: The Masquerade–Bloodlines》早在 2004 年時在 PC 平台上登場，不過除左背景上有少量關係之外，今次嘅第二集可以話係全新獨立嘅故事。

玩家飾演嘅角色，因為某種原因成為了吸血鬼，不過對於呢個黑色世界黎講，新米成員嘅你，力量非常微小，難以存活。為左生活下去，你到底會採取邊種方式，又能唔能夠爬上呢個世界嘅權力頂點呢？

遊戲採第一視點進行，係一隻動作歷險遊戲，故事地點為美國西雅圖。玩家於遊戲裡面可以揀選一種天賦能力（三選一），包括Chiropteran（操控蝙蝠）、Mentalism（操控思想）以及 Nebulation（類似操控氣體）去協助你攻擊敵人以及進行故事探索。

官方表示，玩家於遊戲中可以選擇是否加入其他吸血鬼氏族或者聯盟，相信對故事結局或有一定影響，有關消息會喺近期再對外公佈，到時再為大家跟進。

以下為遊戲介紹影片：