LEGO Brickheadz 系列出現之後，係令唔少創作者多左一個新穎同比較簡易少少嘅新創作方式，好似 POP子 & PIPI美 呢啲動漫人型角色砌到出嚟，估唔到連《Monster Hunter World》啲龍都可以變埋 Brickheadz 四方頭！
大約個零月前，ProducedPickles呢位創作者就喺 Rebrickable 網站度開始將佢第一隻嘅 Monster Hunter World 賊龍 Brickheadz 公開。製作書講緊象徵式收返 歐羅 €1.50(約港幣$13 )，不過當時就冇乜人留意，加上賊龍又真係冇乜人鍾意。不過ProducedPickles真係Keep住將《Monster Hunter World》唔同嘅魔物 Brickheadz 化，佢嘅 Monster Hunter World Brickheadz系列已經有22款(蒼、櫻、雌、雄火呢啲唔同色都未計)
有好多朋友實會話有啲睇落個造型怪怪地喎，原因ProducedPickles成個系列係以 MHW 嘅魔物毛公仔做部份藍本，所以睇落有啲 Cute。成個系列嘅魔物，每隻砌出嚟用件數量都唔過 250 件組件，而且有玩家砌過實物都還原得唔錯。如果你都想砌返隻自己心愛嘅 MHW 魔物，就快啲去下面嘅傳送門買份製作書執件砌啦！
ProducedPickles Monster Hunter World Brickheadz 系列製作書傳送門
阿九
打機 - 識少少；玩具 - 識少少；睇戲 - 識少少；動漫 - 識少少.....
買膠、派膠、分享膠！Only The Best Is Good Enough！
Lego Enthusiast //goo.gl/HRnxDW