話《Biohazard Re:2》係近年最成功既重製遊戲，應該無人有異議。但係大家記唔記得係 Capcom 正式宣佈重製前，曾經有班人整咗個非官方既「Resident Evil 2 Reborn」計劃，當然官方之後自己都話重製後呢個計劃就停止咗，但係呢班開發團隊並無將當初開發既成果就咁丟棄，反而令佢成為一隻衍生作品 《Daymare 1998》。

《Daymare：1998》採用第三身視點，由當初實行「Resident Evil 2 Reborn」計劃既開發團隊所製作，呢個團隊係 2016 年正式成立 Invader Studios，並將遊戲以《Daymare：1998》重新命名。而 1998 呢個數字其實有特別含意，因為《Biohazard 2》既發售年同遊戲中既年份都正正係 1998 年，而遊戲中既環境設定亦都同《Bioharzad 2》感覺非常相似。

今次釋出既最新影片見到三位主角其中之一，隸屬 Hexacore 公司精英部隊 H.A.D.E.S. 既其中一員，不過就主要係演示配音同射擊感，想睇整體感覺的話可以睇返二年前既 Game Play 片。另外《Daymare：1998》除咗好似《Biohazard》咁有濃厚既恐怖氣氛同極之相似既戰鬥系統外，仲會有大量早期恐怖遊戲有水準既解迷要素，喜歡 90 年代恐怖解迷遊戲既玩家絕對要留意。

《Daymare：1998》預定於 2019 年夏季先於 PC 平台推出，之後稍後會有 PS4 同 Xbox One 版本。