啱啱今日喺東京舉行嘅「Mini 4WD Media Meeting 2019」活動上，公佈左一個由田宮模型 (孖星)、日本青年漫畫雜誌 コロコロアニキ 以及BANDAI NAMCO Entertainment 三大公司聯合計劃，就係以下呢隻暫定叫《ミニ四駆(迷你四驅車)》嘅全新手機遊戲。

當中收錄嘅車款由大家熟識嘅《四驅兄弟》、《四驅小子》到大家唔係好留意嘅《風之車手俠》同仲連載緊嘅《Hyper Dash！四驅小子》都會喺當中登場。

就咁睇就應該係買車、儲零件、改裝等等去育成你嘅「愛驅」，而對戰係點玩、發售日等等都暫時仲未有資料，大家耐心等多排留意住啦。