剛剛過去嘅 4 月 1 日愚人節，唔少日本公司都出謀獻策，希望為大眾帶黎歡樂；所以每逢愚人節，作為遊戲媒體嘅我地去撰寫遊戲新聞時都必須好小心，如果報錯 April’s Fool 新聞咁就糗大了。

以世嘉「人龍工作室」為例，佢地尋日就於官方 Youtube Channel 上載左一條名為「ryu_new_0401」嘅影片，影片扮哂偷拍咁樣，而展示嘅，就扮哂係佢地員工開發緊《人中之龍》新 PS4 作品嘅片段！

早前我地就報導過新 PS4 人龍作品正在開發中嘅消息，而新男主角就會係手機版《人中之龍 Online》嘅春日一番；而世嘉呢條片段亦都見到春日喺神室町行黎行去、以及輸入 Command 進行展鬥嘅畫面；下方角色生命值欄擺位就似係 ALTUS《Persona 5》嘅風格（ALTUS 同屬 SEGA 集團）。

片段如下（扮偷拍版以及完全版本）：

好！睇完片必須提醒大家，愚人節片段當中嘅界面同操作，當然不能當真；不過，為左愚人節整條咁嘅片出黎，人龍工作室都相當有心，而對於玩家黎講，可以肯定嘅就係新《人龍》遊戲的確在開發中了（如果唔係世嘉都唔會以咁嘅方式去宣傳！），雖然唔少朋友對於新主角由「春日」擔正都好有保留，不過，一切都要等官方進一步公佈先作定論吧～

延伸閱讀：
【掛住桐生】PS4 新作招募女演員《人中之龍》下任主角將會係「春日一番」！