《隻狼：暗影雙死》自推出之後引起幾種熱潮，因為遊戲既高難度令到本作既二手市場交投熱烈；當然亦有大量既玩家直播卡關。不過最令玩家們高興既就係一眾高手玩「SpeedRun」，即係挑戰用最快既速度爆機，而最新既紀錄已經突破一小時，只需要五十分鐘就爆機！

《隻狼：暗影雙死》以高難度見稱，卡關棄 Game 既人簡直數之不盡。當仲有人同前期小王「赤鬼」奮戰既情況下，已經有大量神人挑戰用最快時間爆機。挑戰方式採用 RTA 競速（Real Time Attack），以及「Any%」不論任何路下只求破關。

早前外國玩家 uhTrance 就以 1 小時 25 分 44 秒完成修羅結局，成為當時世界最快爆機第一人。但係好快就由另一位玩家 Danflesh 所打破，佢係 28 日完成咗《隻狼：暗影雙死》既修羅結局，而且全程只係用咗 50 分 52 秒，再次刷新世界紀錄，不過據佢本人講法係仲有得再快啲（例如完全唔死）。而影片中最值得學習既地方係葦名流劍法原來打英麻係有奇效！

而除咗外國玩家鬥快 SpeedRun，台灣亦都有位非常出名既 SpeedRun 玩家六希夫「六師傅」，佢之前曾經創出無道具無傷擊敗最終 Boss「葦名一心」既紀錄，我地即管拭目以待睇佢挑戰世界第一！

順帶一提，當一眾高手係度鬥快爆機時，製作人宮崎英高既業界同行都有去玩呢隻遊戲，仲玩到講粗口添！呢位就係《Uncharted》系列編劇 John Scherr，佢係 Twitter 上面就頂唔順爆粗，宮崎先生計画通り！

DIE TWICE, MOTHERFUCKER pic.twitter.com/Qb8kBcWg4f

— Josh Scherr (@joshscherr) March 27, 2019