《Devil May Cry 5》今集整體都做得幾好，尼祿呢位主角當然又再成為大家惡搞既對象。事關遊戲同時有 PC 版，咁 PC 版有 MOD 亦都係好合情合理既事黎，大陸已經有玩家率先整咗個新 MOD，將《Devil May Cry 5》變成《Fate / May Cry》！

大陸呢位玩家「動弦隨心」佢做咗個 MOD，將《Devil May Cry 5》入面既尼祿改頭換面，變成著名既《Fate系列》入面果位 Saber 尼祿！同樣既金髮+呆毛，手執紅赤劍「Aestus estus」，不過就無著返條半透明紅色裙，呢下有啲可惜。

根據「動弦隨心」講，現時個 MOD 仲需要時間黎調整，之後先會開放比大家下載，而家可以係 B站睇住片感受下尼祿既英姿啦，唔姆！

《Devil May Cry 5》已經推出，對應平台為 PS4 / Xbox One / PC。

B 站《Fate / May Cry》MOD 演示傳送門