由 VanillaWare 與 ALTUS 聯手推出嘅《十三機兵防衛圈》於 2019 年 3 月 14 日推出遊戲序章《十三機兵防衛圈 PROLOGUE》，雖然有唔少朋友至今到認為官方「將一隻遊戲分開兩次賣」嘅做法不甚可取，不過玩完呢個遊玩時數約為三小時嘅序章之後，我只能夠講，我甘心、我服了，因為短短三小時裡面，我已經預見到呢個遊戲將會極為出色。
事前我地知道《十三機兵》故事大概，就係世界受到外敵攻擊即將滅亡，亦知道遊戲入面共有十三位少年少女角色可以使用；但係實際遊玩《Prologue》之後，先知道遊戲並唔係平鋪直叙地講緊「十三個學生勇戰救地球」嘅故事，而係牽涉到幾個年代、世界觀甚至牽涉到當時二戰時期日本與美國之間「太平洋戰爭」，係一個非常宏觀嘅時空穿梭異聞錄。
雖然《Prologue》裡面只係有少量操控部份，實際上完全版遊戲會唔會加入更多戰鬥元素或其他要素，目前仲係未知；不過，的確，必須稱讚嘅係，呢個《Prologue》好成功地令我記住 13 個角色嘅人名、面貌同性格，每個角色都喺唔同年代以唔同嘅切入點去開始故事，又有複製人、又有特務機關，比我原本預料嘅故事更加複雜同埋黑暗！
短短三小時遊玩，我嘅感想係：
（1）好想快啲玩到正式版，期待值 150％，同埋；
（2）喺日本做高中生真係好慘，成日郁啲就比人捉去做駕駛員或者特務 LOL
《十三機兵防衛圈》正式版預計 2019 年秋天上市，相信遊戲會係好多熱愛日系遊戲嘅朋友今年嘅必玩之作。
相關文章：
【有始有終】唔係淨係開個頭《十三機兵防衛圏》正式本篇遊戲 2019 年秋天發售
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。