《Monster Hunter World》全球大賣，仲吸咗唔少人入坑，會有新作就自然係指定動作。最近網上傳言新一集將會叫做《Monster Hunter Next》，而且仲會出係 Switch 上面，令人極為興奮！

今次呢單料由著名爆料人 King Zell 爆出黎，佢最近既威水史就係準確地指出 2019 年將會有一隻《Pokemon》RPG 出係 Nintendo Switch 上面，結果係點大家都知，所以今次呢單料可信性甚高！

上個月 King Zell 佢話任記將會公布多隻第三方廠商 3A 級大作，而且係三月份會公布新既《Monster Hunter》作品。同時佢仲講到明今個月尾會有多一隻「曾經暗示過但未公布」既遊戲，呢隻遊戲就會係 2019 年冬季或者 2010 年第一季公布。

巧合地今年係《Monster Hunter》十五週年，製作人之一既一瀨泰範係紀念網站上出咗張卡，係呢張卡入面就比人發人隱藏住「N」、「E」、「X」、「T」四隻字，令人直接地聯想新作副題就係「Next」！

講起「X」，就多數都係 Nintendo Switch 上推出，最重要既係好大機會係承襲《Monster Hunter X》系列玩法！即係要自己瞄準、較角度；要自己計數配技能同埋有得玩「風格」，真係聽到已經興奮！

當然而家仲係傳聞既階段，雖然可信性甚高，不過都係等埋月尾「Nintendo Direct」啦！