《Devil May Cry 5》推出市面已經一段時間，相信各位玩家都同我一樣已進入左二週目了；由於遊戲今次對應平台包括 PS4、Xbox 以及 PC，咁有 PC 版就一定會有 Mod 嘅出現……咁今次介紹呢個 Mod 又有咩特別呢？

如果你未打到用 Dante 打 Urizen，以下，劇透注意！

我諗好多玩家同我一樣有個疑問，就係點解爆左機都無得用 Vergil 呢個型到震嘅角色！雖然盛傳 Vergil 會係《DMC 5》嘅 DLC 角色，不過一日未有消息公佈，各地網友都選擇自己動手整 Mod 算，例如係 Nekorun。

Nekorun 嘅 Mod 將 Vergil 變成遊戲中可使用角色不等止，仲成功使用 V 去打 Final Boss Vergil……即係自己打自己，呢件事喺官方入面一定無可能達成，但係 Mod 果然係能人所不能！

以下為 Nekorun 分享短片截圖：

Nekorun 本人話其實整呢個 Mod 並唔難，只係喺 Player Value 上面作出調整……雖然我聽完都唔知係咩黎，不過作為一個玩《DMC5》後期玩得好開心嘅玩家，見到呢個 Mod 我係幾欣賞的。

全片段如下：

當然佢唔係惟一一個睇中 Vergil 嘅 Modder，另一位外國網友 John Fleer 亦於 Youtube 上面分享左使用 Vergil 衝關嘅片段！