即將於 4 月11 日於 Nintendo Switch 以及 Xbox One 上面推出嘅《Final Fantasy X / X-2 HD Remaster》相信就算唔係《FF》Fans 或者未玩過遊戲，都會對裡面嘅角色人物留有強烈印象；Yuna 進行召喚時響起嘅主題曲《To Zanrkand》亦都係享負盛名嘅名曲，在國內外都享有極高知名度以及認知度。

所以，當 Qatar Airways（卡塔爾航空）3 月 5 日公開佢地最新一條宣傳廣告嘅時候， 海外網民，陷入憤怒了。

廣告首五秒響起嘅旋律根本就係《To Zanrkand》，雖然後來音樂有作其他編排，但係成段旋律都不難搵到《To Zanrkand》嘅痕跡。致敬？無問題。取材？都無問題。

問題係呢首歌，只列明了一位作曲家，就係海外鋼琴作曲家「Dana Al Fardan」，完全無視原曲作者植松伸夫先生。

網上開始就呢件事作出討論，因為《To Zanrkand》基本上已經係等同《FFX》嘅代名詞，而《FFX》係一隻早於 2001 年已經推出市面嘅遊戲；「Dana Al Fardan」小姐假如於呢首歌盛行全球之後，又假設佢本人無聽過呢首歌，再咁啱得咁橋寫出同植松伸夫先生一樣嘅旋律，咁，呢件事，都幾耐人尋味的。

卡塔爾航空面對網上質疑，目前都仲係採取「唔回應」嘅態度；不過好多網友都已經不約而同地寫信去 Square Enix 詢問佢地點睇呢件事。音樂上是否有進行抄襲，定還是「如有雷同實屬巧合」，呢件事到而家都未有好清晰嘅指引說明點樣為知「侵權」；所以呢件事到底係會進一步演變成法律問題，定係 SE 會當無事發生，抑或卡塔爾會將廣告下架，目前都仲係未知之數。

大家，原曲在此，你地又點睇呢件事？