如果你有玩過《Gunman Clive》應該會聽過獨立遊戲開發者 Bertil Hörberg 呢個名，不過你唔識或者未玩過《Gunman Clive》都冇緊要，事關佢嚟緊喺 NS 嘅新作你一定要留意！

睇落《Mechstermination Force》其實係咪有啲似《魂斗羅》打法加單挑巨型機械人咪似《汪達與巨像》，絕對無錯嘅！ Bertil Hörberg 喺製作嘅時候就係以呢兩隻遊戲嘅概念作藍本，玩家同樣要搵出每個巨型機械嘅弱點，再進行擊殺！

遊戲中玩家得到嘅金錢，仲可以升級自己嘅武器同自身能力。而且《Mechstermination Force》支援雙人單機合作，雖然成隻 Game 得 14 個 Boss 比你挑戰，不過講緊只係收你 $11.99 美金 (約港幣 $94)。話就今年春季發售，如果真話嘅應該好快有得玩，記得暫時係 NS 獨佔作品嚟架！

《Mechstermination Force》官網傳送門