喺台北電玩展我地除左試玩《Days Gone》之外，話題大作《Division 2》我地亦有試玩，咁到底同上集有乜唔同呢？

今次體驗試玩，每位玩家會分配一位指定職業特工，我哋分配到嘅角色係生存專家，主武裝分別係狙擊槍及霰彈槍。

相信眼利嘅玩家會見到角色介紹上面有一項叫做「特有武器」，呢樣係今集新增元素，玩家武器將變成兩把主武器 + 手槍 + 特有武器。我地所使用角色嘅「特有武器」就係十字弓加爆炸弩箭， 雖然上彈速度奇低，不過威力極強大，平均一至兩發就可以擊倒一位敵人。

至於主武裝，係體驗版過程中我哋並無法取得其他類型槍枝，所以無法測試職業會否綁定槍械類型。

除咗武裝之外，職業仲會有自己專屬技能，我哋嘅職業技能就係射出化學物質，只要射擊化學物質，就會引起大火，善用該特性的話，相信係 PvP 暗區，可以有效咁將敵人的向指定方向。

有玩過上集嘅朋友，應該都記得各玩家會分配唔同嘅崗位，例如有人負責放補血箱，有人負責放補子彈盒咁，不過我哋係今次嘅試玩上面就唔係好覺眼有相關嘅技能，睇嚟大家要再度下各職業要點配合啦。

今次 Demo 試玩內容雖然只係單一任務，亦都無法確認係劇情任務定係副本，不過難度都唔低。

同上一集類似，玩家需要逐步擊破每個階段嘅敵人，最後再擊敗關卡嘅 Boss，當然打敗敵人會有機會跌紫裝或金裝，數值同技能都會比較正。

另外今次試玩由於係電腦版既關係，流暢度頗高，感覺上有接近 60fps，的確係幾爽皮，不過去到家用版會淨返幾多就唔敢講啦……

至於好多玩家關心嘅另一個問題，當然係薯仔體質如何。Ubisoft 資深遊戲設計師 James Norris 係訪問中提到佢地已經收購左知名遊戲伺服器服務供應商 i3D.net，仲會係亞洲各主要地區部署雲端伺服器同實體主機，香港亦會係其中一個地點，相信大家都可以放心啦。

現場有大量新鮮薯仔提供（無誤）

《The Division 2》將於 3 月 15 日推出，對應平台 PS4 / Xbox One / PC。