台北電玩展 2019 今日正式開始，一直備受玩家期待嘅《ONE PIECE World Seeker》亦都係今日 Bandai 主舞台活動介紹項目之一；Bandai 唔止再次請來遊戲製作人平田玲先生為現場 Fans 分享最新資訊，仲有一位大人物登場，就係曾為唔少動畫作品包辦音樂創作嘅著名作曲家田中公平先生！（如果你未聽過佢嘅大名，我話佢係《機動武鬥傳 G 高達》作曲家，你會唔會即刻有返啲印象？）

（左）田中公平先生（中）平田玲製作人

活動今日公佈嘅最新資訊，就係遊戲新角色以及場景大披露！最新登場角色係「羅」，而新嘅場景則為「空島」，現場仲提供咗少量「羅」嘅操作畫面比玩家先睹為快：

如果你之前無太留意《ONE PIECE World Seeker》嘅消息，再次同大家簡略介紹一次：遊戲係以原作設定世界觀再重新創作嘅新劇本，為左隆重其事，作者尾田老師仲登地為遊戲設計左兩位全新角色：

總編實機試玩中

遊戲將於 2019 年 3 月 14 日正式登場，對應平台為 PS4、XBox One 以及 PC。