黎緊 1 月 25 日分別有《Biohazard RE:2》以及《Kingdom Hearts 3》兩隻大作推出市面，相信搶去唔少朋友嘅注意力；但係其實《Persona 5》同廠 ALTUS 於 2019 年 2 月 14 日情人節亦都會有一隻日系半獵奇遊戲《Catherine: Full Body》推出（詳文按此），繁體中文版就會遲少少，但都會喺 2019 年春季發售。

有日版 PSN 嘅朋友或者會留意到遊戲早前推出左 Demo 試玩版，期待遊戲已久嘅我當然馬上下載，玩完之後，更加令我期待正式遊戲推出。

《Full Body》故事完全唔正氣，嚴格黎講係「浮氣」，即係不忠出軌咁解！主角係一個煩惱人生關卡、唔算特別叻、有少少優悠寡斷嘅 32 歲男人 Vincent。佢同女朋友 Katherine 拍拖已久，咁一段感情耐左就唔多唔少有啲悶，加上進入 30 代嘅 Katherine 開始提出「喂我地幾時結婚啫？」呢個由古至今都係中外男士聽到就淆嘅問題（＃首先你要有）。

面對住呢個重大問題，到底玩家會選擇努力維持同 Katherine 嘅關係，定係會選擇投入神秘金髮小惡魔 Catherine 嘅性感勾引呢？不過好老實講，Catherine 個藍色眼影經常令我諗起周星馳某電影，所以……

當年曾是很甜蜜的一對

牛眼淚惡魔角色 Catherine

咁當然唔少得今集嘅新角「Rin」，呢個身份成謎嘅失憶少…女，成為 Vincent 今集嘅感情避風港之餘，亦都令到段關係更加混亂。

不過 Rin 其實係偽娘（官方一早講左，唔係我劇透），於是入 Game 嘅 Intro 對白裡面就話「話唔定呢個遊戲會幫你開啟通往新世界嘅開關喔」咁樣，真係好腹黑 www

之但係呢個遊戲嘅「多角戀」只係表面故事，實際上背後亦牽涉唔少男子嘅神秘死亡事件；而 Vincent 亦都似乎中左咀咒，每晚入夢時就會無啦啦去左迷宮，如果行差踏錯就會慘死！

呢個迷宮 Puzzle 亦係遊戲主線玩法黎，Demo 淨係比玩家試玩「Safety」模式，即係最容易嘅難度，唔計時、無機關亦唔會 Game Over，仲可以有教學示範你點行；但係我相信如果你同我一樣咁癲，打算正式開 Game 之時係會揀最難黎玩嘅話，佢嘅迷宮都真係會玩到人頭痛兼手心出汗……

Puzzle 要你在限時之內爬到塔頂先為之過關，咁石塊有分為白石（可移動）灰岩（重，搬得慢啲）以及鬼面石（郁唔到）；如果唔玩 Classic 版本 Puzzle，仲會多一種類似「俄羅斯方塊」形狀嘅大塊寶石。

點樣利用地型而快速登頂，就係玩法主線；但係去到正式遊戲時，好多時你下面仲會有敵人追或者有怪手拎叉插你（Demo 入面已經有），行慢兩步就會變肉醬，如果搬石走錯位，上面啲石跌落黎，一樣會壓扁你。

而遊戲有中文版，絕對係好多玩家嘅福音！因為除左睇劇情之外，其實遊戲中亦會有唔少選項，例如你點樣維持同女朋友 Katerine 嘅關係、點樣令自己維持「天使」狀態，回覆對方 SMS 時其實要自己揀選對話內容。

不過呢啲內容，有時係同一意思，只係語氣修辭問題，如果無中文版，相信唔熟悉日文嘅朋友會嬲嬲豬（笑）

如果你有留意我早前另一篇報導「《Catherine Full Body》小惡魔 Catherine 居然可以自己揀聲優！」應該會留意到遊戲聲優選用陣容豪華到痴線，唔講 Catherine 本身可以揀 11 把聲，就連 Vincent 兩位朋友都係大手聲優，一個係子安武人，一個係谷山紀章，相信如果你同我一樣係女性玩家，應該會因為呢一點更加期待遊戲（笑）

子安武人

谷山紀章

Demo 裡面玩家可以玩到序章劇情，同埋兩關 Puzzle，所以故事發展仲係成謎！不過最後片花就留低以下呢個耐人尋味嘅畫面，欲事後事如何，大家 2 月 14 日（日版）一齊入坑吧！有玩過第一代嘅朋友，不妨一齊玩埋呢個加強版～

以下為官方新聞稿內容：

SEGA Games宣布，PlayStation®4專用遊戲軟體『凱薩琳FULL BODY』繁體中文版，決定於2019 年春季發售。

『凱薩琳』這款充滿話題性的作品自 2011 年發售以來，在全球獲得許多玩家的熱烈支持與回應，現在由裡到外全面升級為『凱薩琳FULL BODY』，嶄新登場。不只是保留了它那在 ATLUS 眾多暢銷作品中也獨樹一格的作品特性，大幅追加了新遊戲要素，全面升級為「大型話題作品」，超熟進化!

1 月 25 日（五）起在台北世貿一館舉辦的「2019台北國際電玩展」SEGA攤位中，也決定展出『凱薩琳FULL BODY』繁體中文版遊戲，並於現場提供試玩。這將是搶先遊玩到本遊戲的大好機會，請務必親自到 SEGA 攤位體驗。